Beskrivelse
Lågveksande borlottobønne. Borlotto finst i store mengder på marknader over heile Sør-Europa. Det er eigentleg den einaste bønna du treng dyrke. Tidleg gir ho møre, trådfrie, ganske lyst grøne og flatrunde belger som kan etast som snittbønner. Nokre veker seinare er dei tjukke, umogne frøa klare til hausting. Belgene blir då opna og bønnene kokte møre i om lag 10 minutt. Ei næringsrik og nøtteaktig delikatesse med smør og krydder. Etter endå nokre veker er bønnene fullt modne og klare til tørking og vinterlagring.
Planten er kraftig og svært avlingsrik. Borlotto er ei ekte «fire tongue»-bønne med kraftig raudspraglete belger ved full modning. Det er ei rask, jamn og særst anvendeleg kokebønne. Frøa er kvitgule med vinraudt mønster.
Som alle hagebønner har ho opphav i Sør-Amerika, der bønnene har vore dyrka i fleire tusen år. Sorten kjem opphavleg frå Peru, men bønnene vart dyrka vidt i Sentral- og Sør-Amerika allereie for 8000 år sidan.
Obs! Som med alle bønner må desse kokast/varmebehandlast på annan måte før ein et dei.